صلو على النبي ...
سالفه وقصيده < مسوي الشرهان ^_^
طبعاً بسولف بالعاميه عشان اطبق الدور
يوم جات ذيك السنه قبل اربع سنوات كنت جالس انا ولد عمي المهم
الاخ يسولف فالبنات عايش جوه وانا اسمع كلامه شوي وتغير بشكل كبير
تذكرت لي إنسانه غاليه مع إنها راحت مع الايام < مسوي صريح
المهم رحت وجلست بالمجلس وانا حاس إن فيني قصيده ولازم اكتبها بأسرع وقت كتبتها بوقت سريع لدرجة إني رجعت لولد عمي ابي اعطيه ما لقيته < اقول الزبده بس ههههههه
سلام يارجلً على الطيب دوار *** نسل الرجال معربين الجدودي
يا أبو سعد صابر وكني على نار *** صبرت لين النفس جاها جهودي
من نظرته يوم أبتسم بالتعبار *** نظرت وفاء ياخوك نظرت عنودي
من عقبها كني غريبن عن الدار *** ما عاد أعرف النوم لوهو يفودي
الحال حالي بالهوى ما بعد صار ** من نظرت المزوين ريم النفودي
إليا مشاء بخطاه تقول ما سار ** مشيت هنوفً تزتهي بالعقودي
حالي نحل والحب في داخلي دار*** حب الذي لجله بذلت الجهودي
إليا ذكرت عيونها بنت الاحرار*** هلت دموع العين فوق الخدودي
كني سجينً خلف الابواب صبار*** صابر على بقعاء وحر القيودي
واليوم أنا فيضت كل الاخبار *** أخبار قلبً منك هاضت بزودي
ودي بصافي الجو وما به غبار*** لاشك من يقوى على أمرً يكودي
وسلامتكم ...
تمنياتي أن تحوز على رضاء ذائقتكم
أخوكم : فهد بن بداح القحطاني (بـــوح القصيد)
01-04-2008, 09:16 AM
بنت الاحرار من أرشيف قصائدي .....
