قـــــــــــصـــــــــــــــــائــــــــــــــــــ ــــد

بحر الشعراء .. شطئانه غزيره.. امواجه لا تهدأ..


تعبث به فقط المشاعر,, وتروق لها المسامع..


بين الشعر وكلماته[ بحور]..


وبيننا وبين تعابيراتنا [ فصول]





شاركـ معي هنا في وضع القصائد في مكتبتها السمعيه..


لنستريح قليلآ من عناء الكتابه..



وسأبدأ هنا في طرح أول القصائد المسموعه::




قصيدة تتحدث عن أبداعها,,,


<<<

>>>



الشاااعــــــر..



حــامد زيـــــد سعدون فارس العازمي ...
...................

اسمعي والكل منا له هواه وله ميوله ..

لاتمسين بكلامك شعره بروس القرايب ..



ان حكيتي ما وفيت وان تحديتي عجوله ..

تحسبين ان كل فعل ٍ تفعله يمناك صايب ..




تحسبين انك خذيتي بالحش صولة وجولة ..

تحسبين اني ذكرتك مع نسانيس الهبايب ..



والله انك لو ذبحتي خافقي لألقاك حوله ..

عاشقة تشقي بقلب من طريق العشق هايب ..



كم رضيت اسكت عليك من القهر وانتي زعوله ..

خايف اضحك وستفزك واهجرك واعيش ذايب ..



ادعيت انك خجولة وادري ان ما انتي خجولة ..

وادري انك تخجلين الشمس من فوق السحايب..



مايحببني بقلبك ياالهنوف الا فضوله ..

ولا ينسيني غرامك غير تكرار المصايب ..



عاشقة جيتي ورحتي يالحبيبه يالعذوله ..

لابنيتي لي طموح ولا تركتيها خرايب ..



تستبيحين القلوب وتستحقين البطولة ..

واستحق اعيش بعدك تايب واموت تايب ..



ياكثر ماشال قلبي شي اكبر من حموله ..

ولا عفيتي عن غلاه ولابخل لك بالوهايب ..



كنه ارحم من همال المزن للزهر بذبوله ..

وانتي اقسى من هجير القيظ وسموم اللهايب ..



وانتي ادرى في غلاك بداخلي ش اللي يزوله ..

وادخلي على الله واحفظي ذيك السبايب ..




ماخبرت اللحظة اللي حللت قربك تحوله ..

ولا هقيت اني بشدد للجفا قلب وركايب ..



ولاهقيت انك تحبين الزلل وانتي جفوله ..

ولاهقيتك تكرهيني كثر حبك للطلايب ..



كن قلبي في وصالك وابل ٍلحظة نزوله ..

وفي فراقك مثل دمعة تنحدر من عين شايب ..



كنت ابي وقفت حبيبه تنهض القلب بخموله ..

طامح بالعشق وانتي عايبه والحظ عايب ..



كنت ابيع الكون واشتري خافقك وظلال زوله ..

كنت اثور اليا وطيتي بالقدم شهب الترايب ..



كنت قصن كل كفي غير كفك مايطوله ..

كنت قلب ودمعتين ودرب وجروح عطايب ..



كنت ابيع العمر كله ورخصه عرضه وطوله ..

للعيون الي هدبها ثامن السبع العجايب ..



بس ابرضي لك غرورك واكسر القلب بذهوله ..

وقتها ماكنت افكر صايب او كنت خايب ..



والرجل لو ماتحلى بالشهامه والرجولة ..

صدقيني صعب يقدر يملك قلوب الحبايب ..



صدقيني مايوالف خافق البنت بسهوله ..

بالهوى يابنت حواء غير طلاب النشايب ..



والسهر والعشق الاول والهوى واللي ينوله ..

شي اقسى من همومك والعنه حاضر وغايب ..



والهموم اللي دعتني من بعد سن الطفولة ..

كلها ( من تحت راس العشق ) ملعون الصلايب ..


وهذا الرابط
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]


حد علمي بالغلا يوم كنت أسوى كثير ..

يوم كانت ضحكتي طبع و عنادي سمه..

و حد علمي بالعنا يوم خفاقي ضرير ..

قبل أهدم العشق و أبنيه و أرجع و هدمه ..

و حد علمي بالبكاء يوم لي قلب و ضمير ..

].[.قبل أشوف المسلم يموت بيد المسلمه .].[

إيه عدّت من يدي بس ماعدّت بخير ..

ليلةٍ عيّت تجيني و جتني مظلمه..

من عرفت إحساسها كن في قلبي نذير ..

و النهار المكتئب باين ٍ من مقدمه ..

ليلةٍ حسيتها ماتجور و لاتجير ..

مثل طفل ٍ ماحقرته و عيّت إحشمه ..

و أصبحت مثل شعره و أقصمت ظهر البعير ..

و أبتدى في موته الجرح من حيث إختمه ..

صار لي بالعشق مالا هقيت أنه يصير ..

أنظلمت بعشرة أنسان ما كنت إظلمه ..

العشير اللي تبرى من ضلوع العشير ..

الحلا عزّز خطاياه و الحظ إخدمه ..

لا تبسّم يكسر النور بعيون البصير ..

وكن شمس المغربيه تبات إبمبسمه ..

معتدل في قامته لاطويل و لا قصير ..

ممتلي بالزين من معصمه لي معصمه ..

فيه بألوان الهدب لون غير ولون غير ..

مثل ما للرمش بالعين قصه مبهمه ..

كنها نكس البيارق على شط وغدير ..

و مثل لملمت الشتات بشتات اللملمه ..

في سواد مجدّل ٍ ما يثور إلا يثير ..

كنه اللي ينهم الريح ثم ٍ تنهمه ..

ما تجمع لين قيّد حرير ٍ في حرير ..

مع ضلام ٍ علّم الليل مالم يعلمه ..

ما هقيت إن الهدب صلف و أجفانه تغير ..

لين سلهم لعنبوا جد ذيك السلّهمه ..

ماعتقني لين ساق البشاير للبشير ..

يوم صد و جاه قلبي بشحمه و لحمه ..

و الله إنه حط قلبي تحت رحمت شطير ..

في يديه و كل ما راد يقسمه قسمه ..

يا عساني ماعدم إرضاه في برد و هجير..

و ان عدمت مروّته يا عساني معدمه ..

لو هو بس يعدني حسبت اخوه الكبير..

لجل يزهمني لضاق وان ضقت ازهمه..

إن طلب عيني رضا قلت ما غيره نظير..

و أنشرب دمي غضب قلت يستاهل فمه ..

و اهنيّه يرقد الليل مرقاد الغرير ..

كن نومه لابغى يهزم الجفن إهزمه ..

و إلنا من صفرة عصير الى صفرة عصير ..

و السّهر يا يلزم العين و إلا تلزمه ..

لو صحيح إن الحبيبين يجمعهم مصير ..

كان نفس اللي حرمني من النوم إحرمه ..

و الله إن مروّتي ولّعت فيني سعير ..

يوم شفته تل قلبي و داسه بقدمه..

ما رحم زهرة شبابي و أنا توّي صغير..

لين ضيّق خاطري ضيّق الله إنسمه ..

إيه عدّت من يدي بس ما عدّت بخير ..

ليلةٍ عيّت تجي بس جتني مضلمه ..

حد علمي في عناها عذاب و زمهرير ..

يوم قمت أوحي بالاضلاع صوت و همهمه ..

و حد علمي بالرجا من نصير اليا نصير ..

يوم شفت النّفس تذبح و هي مستسلمه ..

و حد علمي بالبكا يوم لي قلب و ضمير ..

][.قبل أشوف المسلم يموت بيد المسلمه[]

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

يعطيك العافيه حمود


قصائد رائعه


تسلم يمينك عليها

وانتي ادرى في غلاك بداخلي ش اللي يزوله ..

وادخلي على الله واحفظي ذيك السبايب ..


حمووودة

روووعة القصائد لحامد زيد
يسلم ذوقك يالغلااا
شكرا لك
بانتظار جديدك القادم بترقب
تحيتي
نجم روحي