@@@@@@@@ قصتي مع النمله@@@@@@@@

السلام عليكم ورحمة الله وبركاته...


قصتي مع النمله.........

قصه اغرب من الخيال ابقولها وبدون مقدمات انا كنت منبطح بالحوش وقاعد على حصيره جدتي الله يحفظها........

واذاكر عندي اختبار برمجه والماده هذي صعبه بالحيل وانا داخل جو بالمذاكره واسمع لك هذاك الصوت تقول لي يالاخو

يالاخو انا اناظر مالقيت احد وش السالفه؟؟؟

وبرضو الصوت نفسه تقول لي يلاخو يالاخو انا ناظرت تحت ولا هذيك النمله اللي تشر لي وتقول هنا هنا.. انا قعدت

اناظر قالت ممكن دقيقه من وقتك انا طبعا استغربت وقلت سمي آمري قالت ممكن شوي قلت من عويناتي الزرق!!!

عيونه مهيب زررق لا تصدقوون المهم قالت : تكفا يا اخوي خالد ابي تسمع لي قلت: قولي..

قالت: انا حالتي حاله ولا لقيت اللي أقول له مشكلتي وافتح له صدري _ أنا قلت لا لا اعوذ بالله الا هذي ؟ ((راح فكره بعيد))

_ قالت: لا لا لا تفهم غلط _قلت :قولي.

وقعدت اسمع لها وانا متركي وحاط يدي على راسي قالت لي ها النمله: انها كانت تكلم صرصور وانه سجل عليها ويهددها

وبين فتره وفتره يجيها بمصيبه ونه مصورها وتبيني افكها من شره

_ انا قلت ولا يهمك افا عليك المهم وانا قاعد اسولف ويا هالنمله جت جدتي تبي الحصيره حقتها انا شلت النمله وحطيتها

بمخباتي

_ قالت جدتي (( خالد))

_قلت سمي!

قالت من كنت تكلم تو؟

قلت لا لا قاعد اكرر الجمله عشان احفظ التعريف قالت ايه انتو يالشباب ما عندكم سالفه وانتو ..وانتو سوالف عجايز لا

تشرهون تبي تبين انها تعرف كل شي راحت جدتي وانا طلعت النمله من مخباتي وقلت: لها معذره بس جدتي هذي ما تقدر الحب..
_قالت: ابكمل، قلت : كملي قالت لي وهي تبكي : انها تزوجت من واحد ودرا بسالفتها مع الصرصور وطلقها وانها الحين ام

عيال وانها كانت تراقبني وانا ادرس وانها معجبه فيني وتحبني !!!!

((راح فيها الولد))

انا قلت مشكوره وما قصرتي وقعدنا على هالحال كل يوم العصر اطلع بالحوش واقابلها ومره شافنا الصرصور وحنا

نسولف مع بعض وقال افااا !؟ تسولفين مع هذا انا اوريك! وراح...

النمله بكت وقالت ياخالد بعد قلبي تكفا فكني منه..... طبعا لاني رقيق مشاعر وحساس ماقدرت اطقه بالنعله... تكرمون..

رحت جبت بف باف مبيد الحشرات!! (يسوي دعاية لبف باف) ؟

ولحقته ورشيت عليه!!

الصرصور هذا اسمه ( بو شنب ونص) لان طرف شنبه الثاني مقصوص! المهم الصرصور ما مات انحاش وتخبا (إستخبا--

توزا --- اندس )بس اصيب باصابات بالغه المهم هذا حقد على انا والنمله وجا للنمله باليل وذبح عيالها الصبح وانا نايم

بفراشي يوم الخميس جتني النمله وتقومني وتهزني تقول قم قم ياولد انا قمت مفجوع قالت: يرضيك وهي قعدت تبكي!

قلت: لا لا مايرضيني بس وش... وبدون مقدمات ولا فاصل اعلاني ولا شي فجأة عطست وفي ظرف ثانيه مدري وين

راحت النمله طارت وقعدت ادورها بالغرفه الييييييييييين لقيتها مكسوره رجلها المهم جبرت رجيلاتها وقالت لي ان

هاالصرصور ذبح عيالها.. انا منت قهر وقلت لا والله ما اخليه وانا خالد!! وادور بالغرفه ادور والقا لك هذيك المداس اللي

يحبها قلبك وانقعها بمويه نص ساعه الييين طلعت النعله خااااثره وانتو بكرامه وادور هذا ابو شنب واطلع له بالحوش

واقول له انت شنب اذا انت رجال تعال قابلني؟

وطلع لي وقال اذا انت رجال تعال وضارب بدون اسلحه!! قلت: ولا يهمك.. وارمي لك النعله واطيح بالصرصور هذا ( ابو

شنب ونص ) ضرب وهو يضربني وانا وياه ضرب هو يضربين وانا اضربه وما فيه الا تفقيع وجيه وبوقسات الين سمعت

النمله تقول لي اذبحه يا(( خلووودي )) وهذا مهري!! انا يوم سمعت هذا مهري تشجعت وقلت: هلاااا والله وانقز لك على

بطن ها الصرصور واسوي له سوبر بليكس خلفي وابطحه واجيب النعله والفعه فيها لفعه اغمي عليه فيها والفعه اللفعه الثانيه

والا راسه بجنبه الله ذبحت الصرصور وقمت من جثته وتجيني النمله تبوسني وتضمني!!!

وانا مستحي اول مره تصير لي هالسوالف... وقالت : انت ((( فارس احلامي)) انت حبيبي ونور عيني .. انت اللي تحميني

من الاشرار وبعدها النمله طالعت الارض بحياااء وقالت لي احبك يا(((خالد))) يابعد عمري انا انخبلت ولا ادري ويني فيه

وجهي حمر وجغيداتي زرقن وقلت لها: وانا احبك بعد ولا ما كان ضحيت من اجلك... وبعدها باستني (حبتني) ونويت انا

وياها اننا نتزوج ورحت اخطبها وتزوجنا طبعا هدية زواجها كرتون بفك ابو نص هذا فش فاش اذا تعرفونه!! يعني تكلفة

الزواج كلها مع الطقاقات ماتجي عشره ريال والبيت بخمسه يعني خمسطعش ريال يالله لك الحمد.. النمله هذي انا احبها

وهي دايم معي بالجامعه بالبيتب بكل مكان دايم اخليها بمخباتي واحط لها بسكوته ولا شي تتونس فيها وبين فترات البريك بالمحاضرات اطلعها واسولف معها وهي تضحك وتسحرني بعيونها واذوب على جمال شعرها الاشقر

وذا جاء الدكتور خلتها في مخباتي....

وعشنا انا وياها وحنا نحب بعض وقررنا ما نجيب عيال الا اذا تخرجت انا من الجامعه ؟

النمله هذي تحبني حيل وتغار علي حتى من امي اذا نادتني.. الله يهنيينا ببعض .

ما بديش اطول خير الكلام ما قل ودل...

ودمتم سالمين...

التوقيع:

قمة التحدي ان تبتسم!!
وفي عينك الف دمعة!!

قمة الالم ان تسكت!!
وفي قلبك جرح يتكلم!!

قمة الاستغراب!!
ان يجرحك اعز الاحباب


منقووووووله..

تحياتي ملسوووووونه..

أوووووووه صابتني الغيره ..


فديت عويناتها .. النمله ..

ما شاءالله عليه اللي كاتب القصه خياله واسع وعجبني ..

أجل بقعد بالحوش يمكن تجيني نمله بعد لاني أسمي خالد ..

والاسامي عليها حظوظ الايام ..

المهم ..

مشكوره يا فتحيه ..

بعطيك العافيه عيوني ع القصه الجميله

تقبلي مروري البسيط

لـهـفـة الأنـفــاااااااس