ييــــا نــــديـــم الــجــــرح

يا نديم الجرح واللي وصتك بارقامها = عارف انك ما تعرف الا شذى يشمومها
لا تعلمني عن اخر ما حصل فيامها = من رسالتها عرف اليوم كل اعلومها
ادري ان الوقت شمر عن ايديه وضامها = وادري ان الحظ الاقشر صار مثل هدومها
وادري ان الهم وقف في طريق احلامها = لين صار الحزن اثرها والشقا مقسومها
بس تستاهل هي اللي طاوعت من لامها = وباعت اللي كل ذنبه ما دخل في سومها
خلها تدفع ثمن غلطاتها ما دامها = هملت قلبي وراحت واسرفت في حومها
ويبتعد مع كل خطوه صوت وقع اقدامها = وتقرب الضيقه وتصحى دمعتي من نومها
لين غابت عن عيوني وانجلى هندامها = ليلة تغفى على صدر الظلام انجومها
كنت احس بشي والله ما تشيل اعضامها = لو تحس بشي منه يمر وسط احلومها
كنت احس ان الضلوع العوج مثل ايتامها = واشعر ان القلب نبضة منتهي من يومها
والحياة اللي تدور اشهورها واعوامها = وقفت واليوم دور ارماحها واسهومها
يا كثر ما اغرقت نفسي في بحور اوهامها = ويا كثر ما ضعت بين اهوامها واهمومها
ما جداي الا احلم اني واقف قدامها = واتخيلها تعاتبني واروح الومها
يا نديم الجرح خلك من اعلوم ايامها = ما بقى للعمر بالقلب رغبة يلتفت لعلومها
والرسالة ردها للي زمنها ضامها = وقلها كلمة وتفهمها حسب مفهومها
والله ان اقص كفي قبل ادق ارقامها = والله اني اشيل قلبي قبل اشيل همومها

من روائع الشاعر فهد المساعد

أتمنى أن تستلذ لها ذائقتكم

أخوكم : قـــلـــبـــي أنـــا

صح لسان شاعرها
يعطيك العافيه ع النقل الرائع

تقبل مروري وشكري
لـهـفـة الأنــفــاااااس

صح لسان الشاعر

وربي يعطيك العافية على ذوقك الرائع في اختيارك للقصيدة

ولاتحرمنا من ابداعك وتقبل مروري

مشكوور
اخويـ على القصيدهـ
الرئعه من شخص رئع

سلمت يداكـ
وربي يعافيكـ


تحياااااااتي
نواف

تسلم ويسلم كاتبها

مشكور اخوي على نقلك

لهذي القصيده الرائعه

الاخت المبدعة دائما لهفة الانفاس يشرفني مرورك الكريم على هذه الابيات الرائعه

أخوي المبدع والمتألق بطلتك الرائعة على مواضيعي وهذا ما يثلج الصدر
أشكرك مجمل الشكر

وأخوي المبدع نــواف أشكرك على تشريفك ومرورك

وأختي المبدعة همس الغلا أشكرك خالص الشكر على تشريفك الجميل وحظورك المتألق



لكم مني خالص الاحترام والتقدير


أخوكم : قـــلـــبــــي