السلام عليكم ورحمة الله وبركاته:
يالله حي الربع المهم اسمعوا ترا هالموضوع لارحت انقله او انسخه ولاشي يعني اخوكم برق الظلام من راسه من افكاره او بالاحرى الخيال لان خيالي ابفحط فيه الين اقول بس واهم شي انكم تشاركوني هالتفحيط بعد
والله السالفه طرت لي وانا كنت اتابع مسلسل نور واتقهوا ذاك الشاهي النعناع اللي يرووووووووق بقوة وطرالي فنانين وممثلين وناس يعني مشهورين واللي طرا لي انه هاللي بذكرهم ماهوب مسوين او صاير لهم او مر عليهم هالمواقف اللي بنذكرها بعد:
وترا يالربع هذي اول مرة افحط في خيالي المهم ان شاء الله ماهو جاي قصور وان حصل قصور سامحونا احم احم:
اللي طروا لي وهم ضحايا لي هم: نور ومهند وام مهند شريفة ونانسي عجرم ووائل كفوري وبوش وبريتني سيبرز و نجوى كرم ..................
ترا كل واحد له شي او موقف من المستحيل انه حصل له:
نبدأ
الشــــــخـــص >>>>>الـــــــــــــــمـــــــــــــــوقــــــــــ ـــــــــــــــــــــــــــــف
نانسي>>>>>> تتمشا في فيضة من فياض الصمان بالربيع وتلقط الفقع والله انه في عيني ان حصل
مهند>>>>طاق الغترة وعاصبها ويقول اررررررحبوا يارجال ويرحب والله انه في رجلي ان حصل
بريتني سيبرز>>>> مركبة القدر وتطبخ الطلي معشية الرجاجيل وذي وبقوة في رقبتي ان حصل
شريفة ام مهند>>>>انها تقهوا هي وامي في الضحوية الصبح في الظلال وهذي يمكن بس على العموم في صبة وجهي هههههههههه
وائل كفوري>>>> معبي الوايت ومودي الماء للغنم وهذي قووووية من اللي يتبرع برقبته ههههههههه
بوش>>>>> اني اشوفه شريطي غنم والا ابل وياقوها قواه هذي
نجوى كرم>>>> اني اشوفها طاقة البرقع وفي سوق حجاب بالرياض وفي يدي هذي ان شفتوها
هههههههههههههههههههههههههههههههه
خخخخخخخخخخخخخخ وبعد كل هذا التفكير رحت تشليح لهم هم ووجيهم يافي رقبتي ياعيني هههههههههههههههههه
تقبلوا تحيات مؤلف هالسالفة اخوكم برق الظلام ((ناصر))
حقوق الطبع محفوظة في خيال برق الظلام ههههههههه
ترقبوا قررريبا رحلتي انا برق الظلام لروما بايطاليا أنا وخالي وجدي اللي عمره 100 سنة والمقالب اللي صارت لجدي هو وبنات روما وبتعجبكم إن شاء الله .......
07-19-2008, 05:21 AM
من المستحيلات في خيال برق الظلام
مواضيع مشابهة
