ديــوان خــالــد الـفـيــصــل

طيـف الشـوق · 10-09-2008, 05:16 PM

السلام عليكمـ ورحمة الله وبركـاته

ديوان أشعار الأمير خالد الفيصل

اتمنى ان تكون هذه الصفحـــة جامــعة لقصائد المبدع الأمير خالد الفيصل من قصائد دواوينـه الشعريــة

وأبتدي بهـذه القصائد عسى أن تنال أعـجـابكـــم وأن تشاركوني ببعض قصـائدهـ في ردودكــم

من بنات الريح ..

من بنات الريح لي صفرا جفول
كنها ظبي الفلا بجفالها
منوة الخيال عساف الخيول
زينها في دقها وجلالها
زينها ما شفت وصفه بالمثول
الله اللي بالجمال اصخى لها
تستذير كحيلتى من كل زول
ما يصخرها سوى خيالها
اذكر الله كل ما قامت تجول
و احمد الله خصنى بحبالها
كنها تمشي على قرع الطبول
فتنى اللي خافقه يبرى لها
ظافي القصه على الطرف الخجول
تنكسر شمس العصر بظلالها
وصفها وصف السحاب اللي يحول
كل عين تستخيل خيالها
او كما طاري على الخاطر عجول
صاحبه حقيقته ما طالها
كل رجل في حياته له ميول

والهوايه تمتلك رجالها
,,,,

سمرت
بصحبة حروف القوافي

احملها تناهيت خوافي

اشكل بالحروف الوان صوره

احركها من المعنى بصافي

اشيل الحرف من معنى لمعنى

واجاري ما زهر واظهر بخافي

والى منى عطيت الحرف ونه

بها حرفي على النجمات طافي

يقوم كل نجم من منامه

أنا ما نيب اسامر نجم غافي

يجيني كل نجم منه معنى

ولا قد قلت للنجمات كافي

تصور لي دموع وابتسامه

من عيون تقصوت ما تشاف

ألا يا نجم يا عالي تبصر

شف بعين المحبه عين وافي

وخبرني عن علومه وحاله

عسى قلبه مع الأشواق دافي

ولو ممشاي في جمر يفيده

مشيت بجمرها كنه عوافي

ولكن وش يفيده لو ذبحني

ومن يوصف جماله عقب قافي

ياطـــــــــــــــــــارد

يا طــــــارد اللي راح خــله ومــلوه
ما يستــقيم الظــل لا عـــوج عـــــــــــــــــوده
ولا ينفــــع النـــدمان قولــة حــولاه
جـــحـــــــر لـــــــدغ يمنـــــــاك لا لا تعـــــوده
مد النظر في خلق ربي تمعناه
إلى انتقص من حال حال يزوده
الله جعــــل للمبتــــــــلي داه ودواه
وكل على عزمات قلبــــــــه حدوده

ودي ومحبتي للجميع

نجومي · 10-09-2008, 05:47 PM

معانق الوفــــــــــا

لاهنت ياخوي وسلم راسك

قصائد جميلة وراائعة من شاعر مرموق وحساس

اميرنا المحبوب الفيصل

وباذن الله نثبت الموضوع ونشارك جميعا ً بخط قصائد الامير المحبوب هنااااا

لك شكري وتقديري

مع ملاحظة :: عدم تكرار نفس القصيدة الموجودة بالمتصفح

النــجـــــــــم

نجومي · 10-09-2008, 06:01 PM

حدنـــــي وقتـــــــــــي

حدني وقتي على شي(ن) جديـدِ=السهر ما هوب من عادة عيونـي

أَبعدوني عن هوى بالي وسِيـدي=وامنعوا عنّي خطوطه ياصلونـي

شطّروني عنه في دار(ن) بعيـدِ=حسبي الله كانهم منـه اقطعونـي

صارت الفرقا لنا علم(ن) وكيـدِ=ليتهم راحوا وأنا عنـده نسونـي

عاقني عن صاحبي سور(ن) حديدِ=دونه البحور حراس(ن) ودونـي

الرجا بك يا بو خالد يا عضيـدي=لا تخلّينـي تراهـم عذبـونـي

لا تسألوني

لا تسألونـي ليـه أنــا=عاشق خزامى مستهـام

إذا عرفتـونـي أنـــا=تدرون وش سر الغـرام

أصلي أنا بيتـي شعـر=والبر هـو ديـرة هلـي

فرشي ثرى وسقفي سمـا=وترابهـا غالـي علـيّ

افـز مـع خـزّة ظبـي=في طعس من فوق الغدير

ومشاهدة سـرب القطـا=من روض للثاني يطيـر

أحـب امشـي بالخـلا=حُر(ن) من الديره طليق

شوفي يروح بلا حـدود=ولا يقيّـدنـي طـريـق

إن جا هوانا فـي شمـال=hو هبّت النسمة جنـوب

ألاعـب أنسـام الهـوا=واهب إذا هبّ الهبـوب

الله على شمس المغيـب=والليل إلى نسنس هـواه

الضّـو تقـدح بالجمـر=والنجم يقدح فـي سمـاه

لا تسًّألونـي ليـه أنــا=عاشق خزامى مستهـام

إذا عرفتـونـي أنـــا=تدرون وش سر الغـرام

نجومي · 10-09-2008, 06:04 PM

ساعات العصر

ليت عقل العود في سن الشبـاب=وحكمة الستيـن فـي عشرينهـا

كان ما جرَ القـدم درب العـذاب=وانتهزت ظروفهـا فـي حينهـا

وكان ما ضاعت دقايقهـا هبـاب=وكـل لحظـه أستغـل سنينهـا

كم تركت من الفرص واقفلت باب=بعتها واهـل الفـرص شارينهـا

وان نصحني ناصح أحسب حساب=قلـت يمـدي .. توَنـا بادينهـا

العمر بـاوَل زمامـه لا تهـاب=والَليـلْ طـوال يـا سارينـهـا

ما هقيت إن الزمن مثل السـراب=والَليـالـي خيَـبـت راجينـهـا

أثر ساعات العمر مثل السحـاب=بالظلام تمـر مـا نـدري بهـا

ويل من همَاته صعود الهضـاب=ترجمـه ريحانـهـا بايدينـهـا

وحظ من همَاته يحـوش التـراب=يبشر بكثر الذهـب فـي طينهـا

وكل قصر له أساس وسقف وباب=يحكمـون اركانـهـا بانينـهـا

والصيانة للقصـر وإلا الخـراب=أفطنـوا للـدار يـا حامينـهـا

شموخ ذاتي · 10-09-2008, 06:57 PM

تســـلم والله ع المتصفـح الــرآآئــع للشــآعر العـذب والـرآقي

( دآيم السيـف )

غـــريب والله

غريب والله يا حبيبي هوانا
نستعذب الأشواق ما نطفي الشوق

شوقي وشوقك هايم ٍ في سمانا
في ناظري حيرة وفي ناظرك موق

نطرد سرابٍ في صحاري ظمانا
لا فيه ميرادٍ ولا حاصل ٍ ذوق

يوم ٍ يبعدنا ويوم ٍ دعانا
ويومٍ يلبسنا خيال الهوى طوق

طيفٍ يرغبنا وطيفٍ نهانا
فوق الثرى نمشي وحلم الهوى فوق

خيالنا من كل نبع ٍ سقانا
وأيامنا تسوق عبراتنا سوق

ميعادنا عند التمني نـسانـا
وظـروفـنـا تـزرع على دربـنـا عـوق ...

مـودتـي//الشمووخ

طيـف الشـوق · 10-11-2008, 04:23 AM

يـــعـــطيـــكم العــافيه على التـــفاعل الرآئـــع مع ديـــوان دايم السيف

هذي قصيدهـ من قصائدهـ الجميله والعذبــة

من شمال ..

هب نسناس الهوا لي من شمال
حامل ريح الخزامي والنفل
من فياضٍ ظبيها يلعب دلال
لى لمح ظله من النشوه جفل
يذبح العشاق صعاب المنال
كم شطير بالقناصة قد قتل
مثل شمس العيد فضاح الجمال
كل نجم لا ظهر نوره افل
خصني بمواجه السحر الحلال
واشهد ان السحر في قلبي نزل
ضاري بمقابل فحول الرجال
وارتعش قلبي من الفتنه خجل
قلت راح العمر من دون الوصال
قال لو حاولت يا القاطع حصل
قلت لوني طامع لو بالخيال
كان بدلت التوجد بالأمل
يا ندى الغيمه على ورد الجبال
يا عبير زهور ريضان السهل
اجتمع حسن الحلا بك والجلال
ما تبدل بك مع العالم بدل

ودي ومحبتي

طيـف الشـوق · 10-19-2008, 01:44 AM

ذكرتني

ذكرتني طلعة البدر نـــــــــــور عيوني
يوم شفته هلت العبـــــــــرة المخفيه
مــــــــن يلوم المغرم المولع المفتون
لى تــــــــــــذكر شوف أبو وجنة ورديه

ليتهم يا سعود لــــــــى روحوا مروني
مــــع غروب الشمس بقفاية العصريه
أتمنى والـــــــــــــــتمني يزيد غبوني
غيبو يــــــــــــا خوك ما عندهم ماويه

ليتني في سجتي رحت ما صابوني
من يداوي الجــــــــرح والعلة الدخيله
خبروني عنه ضاق الحشا بشجوني
مـــــــــــا قويت الصبر حبه تمكن فيه

مواضيع مشابهة للموضوع: ديــوان خــالــد الـفـيــصــل
الموضوع	الكاتب	القسم	الردود	آخر مشاركة
الحـــ حــامــد ـــلـــ زيـــد ـــم	الصارم747	شعر وخواطر	10	03-20-2008 02:57 PM

يتصفح الموضوع حالياً : 1 (0 عضو و 1 ضيف)

خيارات الموضوع
عرض نسخة للطّباعة ارسل هذه الصفحة لصديق

ديــوان خــالــد الـفـيــصــل

شعر وخواطر