أنا مولع من صغر سنـي بنجـم سهيـل
أحبـه وأحـب اللـي كذلـك يحبونـه
الى اقفى لهيب القيظ واقبل نسيـم الليـل
وراع القنص والطير جـود دركسونـه
علـى وارد ماحـل عقبـه ولا موديـل
جديد الجيوب اللي من الشرق مضمونـه
الى ريح الفكس أر ومحا سـواة السيـل
وبسم الله الرحمـن الـى عـد طبلونـه
مجهز ومعهم صنعه الـروس والدربيـل
وفرد الـى جـاء لازمـه مـا يخلونـه
ومعهم دلال صفـر فيهـن بـن وهيـل
وكيفـن مهـيـل للنشـامـا يصبـونـه
سواليف وعلوم ونشامـا ودلكـت خيـل
ونجر الى جاء الضيـف قامـوا يدنونـه
شباب علـى يمنـاه طيـر يهـد الحيـل
الى شالوا البرقـع وبالصـوت يدعونـه
ياويل الحبارى منـه ويل(ن)لقيبـه ويـل
الى ذيرت ثـم شافهـا الطيـر بعيونـه
الا يا معصبت الغتـر ياشبـاب الجيـل
هو اللي يبـي الخـوه معاكـم تردونـه
ويالايمي مالك عاى هل الولـع توكيـل
مالك ومال اللي شكا الوقـت وطعونـه
عسى لايمي يشكي المرض ويتمنى الشيل
يعجـزون طـب المملكـه مـا يداونـه
علشان يدري ليه انا أحب نجـم سهيـل
لاواعـذاب اللـي سـواتـي يحبـونـه
نجم سهيل محبب لأهل الولع لأنه آخر نجوم الصيف..
وطلوعه يعني برودة الجو و قرب المقانيص
لذلك مع طلوع هذا النجم احببت ان اطرح هذه الدكه هديّه للصقاقير
ومنها نستفيد من خبرات أهل الطيور
يا ماحـلا لا ذعذعـن الهفاهيـف=وقامت تناقرنا هبـوب الصفـاري
وهب البراد ودوّحت شوبة الصيف=واوحيت للمقناص والطير طـاري
اهــــــــــداءين لكل من تولع بالمقناااص وحب الطير >>> الله يعين المولع
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
دمتم بكل ود
اتمنى ان تنال اعجااابكم
برق الظلام
10-11-2008, 09:41 AM
دكة للصقاقير واهل الولع
مواضيع مشابهة
