لوخسرتـك ماخسـرت العـمـر.. والدنـيـا مـتـاع وأدري أنـي لـو خسرتـك ماخسـرت.. إلا قلـيـل
بس فكـر زيـن تعـرف مـن خسـر فينـا وضـاع
وتعـرف إنـك لـو تلـف الأرض .. وتـدور بديـل
والله إن تبـطـي ولــو لفـيـت كــل الـبـقـاع
ولو تسوي وش تسـوي ماأنـت لاقـي لـي مثيـل!
وين تلقى مثـل شخصـي شخص..وطباعـي طبـاع
ووين تلقي مثـل قلبـي قلـب .. أو مثلـي خليـل.؟
البشـر واجـد .. نعـم .. لكـن فـرق الانطـبـاع.!
يجعلـك يمـي تميـل .. ويـم غيـري ماتمـيـل
يارفيقـي .. انتبـه .. واحسـن إلـي الاستـمـاع..
للمواقـف دور فـي كشـف المزيـف .. والأصيـل..
وأنـت ماقصـرت فينـي موقفـك جـداً شـجـاع..
طعنتـك فـي الظهـر كانـت إثـبـات ودلـيـل
بيـض الله وجهـك اللـي ساتـره تـحـت القـنـاع
ورايتك بيضـا معـاي وياعسـى عمـرك طويـل...
يعني أعطيـك الثقـة وتردهـا بـ" لـوي " الـذراع!!
ياخي ماشـاء الله عليـك أبدعـت فـي رد الجميـل..
مدري كيف أشكرك؟!مدري كيف أرد الصاع صاع ؟؟
كنت أحسب أنك عزيز النفس .. تطلـع لـي ذليـل
كـم وأنـا عييـت أصـدق فيـك قـدر المستـطـاع
من غبائي كنت أسكت وأعـذرك .. وأثـر الحصيـل!!
جـرح قلـبٍ ميزتـه فـي كـل يــوم الاتـسـاع..
ودمع عين" ينهمـر مـن ضيقتـي فـي كـل ليـل..
كنـت أعمـى فيـك .. لا.. لا .. ميـت للنـخـاع..
كنت مدري كيف ؟ لكن كنـت صـادق معـك حيـل
كنت أمـارس فـي غرامـي لـك سياسـة الانصيـاع
وكنـت لاغـي معـك فكـرة أعتـزل او أستقيـل
اندفعـت بكـل مافيـنـي .. وســوء الانـدفـاع...
يجبـر الإنسـان أحيـانـاً.. يفـكـر بالرحـيـل...
صدمتـي فيـك إنـت .. خلتنـي أفكـر باقتـنـاع..
إن قتـل النفـس راحـة لـو أنـا كنـت القتيـل...
انفجـر راسـي مـن التفكـيـر.. وازداد الـصـداع
كيف أنا بفتـك مـن جروحـك ودوشـة "قـال قيـل"
رحمتـك يـارب لامـن ضاقـت امنحنـي وســاع..
أنت حسبي فـي الزمـان الجايـر ونعـم الوكيـل...
لا غـدى "مستقبلـي والماضـي" أطـراف النـزاع..
وصفحة الماضي سـواد وشـئ مـن هـذا القبيـل...
فلازم انسـى لجـل أنهـي بداخلـي هـذا الصـراع..
ولازم أتقـوى .. عشـان أحقـق النصـر الجليـل...
وطالمـا إن الهجـوم أفضـل وسيـلـة للـدفـاع...
مستحيـل أرضـخ لـو أن الحمـل ياربعـي ثقيـل...
والبخيل اللي نسانـي واشتـري فينـي... وبـاااع...
يذلـف .. الله لا يـرده .. والله بجرحـي كفـيـل...
وإن سـأل عنـي وجاكـم بعـد فتـرة انقـطـاع!!!
علمـوه أنـي نسيتـه بـس أنـا مانـي بخيـل....
طالما كـان السبـب فـي قوتـي .. قبـل الـوداع...
بلغـوه أقـل شـئ بخالـص الشـكـر الجـزيـل...
مما أع ـــجـــبــنــي ..
10-18-2008, 05:17 PM
.. وين تلقى مثـل شخصـي شخص..وطباعـي طبـاع .. !! 
رد : .. وين تلقى مثـل شخصـي شخص..وطباعـي طبـاع .. !! 
مواضيع مشابهة للموضوع: .. وين تلقى مثـل شخصـي شخص..وطباعـي طبـاع .. !! 
